Лейлек районунун чек ара айылдарынын тургундары жаңы конушка көчүүдө

Баткен облусунун Лейлек районунун Тажикистан республикасы менен чектеш аймактарындагы тургундар, мамлекет тарабынан курулган жаңы айылдарга көчүүдө.

Лейлек районунун Кулунду айыл аймагынын Максат айылындагы жарандар, ошол эле Максат айылындагы мамлекет тарабынан курулган 16 турак үйгө, Саада айылынын тургундары Раззаков айылындагы 60 турак үйгө көчүүдө.

Лейлек районунундагы көчүрүү иштерине Өзгөчө Кырдаалдар Министрлигинин аймактык башкармалыгынын кызматкерлери жана техникалары тартылган.

Жаңы конуштарга Лейлек районунун Кулунду айыл аймагынын Раззаков айылынын И.Нурматов жана А.Жаныбаев көчөлөрүнүн, Сада участкасынын жана Максат айылдарынын тургундары жайгашууда.

Белгилей кетсек,Кыргыз-тажик мамлекеттик чек арасын делимитациялоонун жыйынтыгында, Кыргызстан менен Тажикстан ортосунда айрым айылдарды алмашуу макулдашылган.Ага ылайык, чек ара айылдарынан көчүүчү тургундар үчүн, Баткен районунда, Жаңы Достук айылына 181 үй, Лейлек районунун Раззаков айылына 60үй, Максат айылына 16үй курулган.

КРнын Президентинин Баткен облусундагы ыйгарым укуктуу өкүлүнүн басма сөз кызматы