Кыргызстанда адам сатуу өзгөчө оор кылмыш болуп саналат

Бул багытта атайын улуттук мыйзамдар жана мамлекеттик программа бар.

Бүгүн бул багытта Баткен облусунда адамдарды сатууга каршы күрөшүү боюнча координациялык кеңештин кезектеги отуруму өткөрүлдү.

КРнын Президентинин Баткен облусундагы ыйгарым укуктуу өкүлүнүн орун басары Жаныбек Исаков баш болгон координациялык кеңештин мүчөлөрү болгон 13 мамлекеттик органдардын өкүлдөрү жана бул багытта өнөктөш болгон ЕККУнун өкүлдөрү катышты.

Кеңешмеге КРнын Жогорку Кеңешинин Төрагасынын алдындагы миграция жана адам сатуу маселелери боюнча кеңешинин жетекчисинин орун басары, юридика илимдеринин кандидаты Марлис Джумабаев катышып, мамлекеттик органдардын милдеттери жана адам сатуу кылмыштарын аныктоо жолдору тууралуу окутуу өтүп, координациялык кеңештин ишмердүүлүгү талкууланды.

Белгилей кетсек, Баткен облусунда адам сатуу фактысы катталган эмес.

Ал эми өлкөдө 2024-жылы 20 факты аныкталган. Анын 17си эмгек эксплуатациясы боюнча, 1 факт сексуалдык эксплуатациясы боюнча, эки факт балдарды сатуу боюнча. 2025-жылдын 9 айында эки факт катталган.

КРнын Президентинин Баткен облусундагы ыйгарым укуктуу өкүлүнүн басма сөз кызматы