Баткен облусу шайлоого даяр

Кыргыз Республикасынын Президентинин Баткен облусундагы ыйгарым укуктуу өкүлүнүн биринчи орун басары Бактыбек Токсонбаев, облустун тийиштүү жетекчилеринен, Кыргыз Республикасынын Жогорку Кеңешинин депутаттарын мөөнөтүнөн мурда шайлоого карата акыркы даярдыктар боюнча маалымат алды.

Отурумга облустук, райондук жана шаардык штабдын мүчөлөрү жана жергиликтүү өз алдынча башкаруу органдарынын жетекчилери катышты.

Алгач БШКнын Баткен районунун жана Баткен шаарынын өкүлү Алишер Колдошов, акыркы даярдыктар тууралуу маалымат берди.

Жыйындын жүрүшүндө жетекчилик облус активине бир катар тапшырмаларды койду. Алар;

-Райондордун, шаарлардын жетекчилерине уюштуруучулук жана материалдык-техникалык маселелерди чечүү боюнча көмөк көрсөтүп көзөмөлгө алуу,

-Шайлоо күнү санитардык- эпидемиологиялык абалды көзөмөлдөө, сасык тумоого байланыштуу эрежелерди сактоо,

-Шайлоо комиссияларына жайларды бөлүү, аларды автотранспорт, материалдык-техникалык каражаттар жана байланыш менен камсыз кылууга байланышкан маселелерди чечүү

-Шайлоонун жүрүшүндө коомдук тартипти сактоо,

-Шайлоо өнөктүгү учурунда үгүт иштерине аралашпоо,

-Аралыктан добуш берүү максатында ачылган имараттарды интернет байланыш жана кошумча электр энергия менен (генератор) менен камсыздоо.

-Шайлоо участкаларынын үзгүлтүксүз электр энергиясы жана интернет байланышын камсыздоону тапшырды.

Белгилей кетсек, Баткен облусунда 355192 шайлоочу, 220 шайлоо участкасы бар.

КРнын Президентинин Баткен облусундагы ыйгарым укуктуу өкүлүнүн басма сөз кызматы